VII Xornadas de Tecnoloxía de Galicia.

Información sobre as VII Xornadas

As VII Xornadas de Tecnoloxía de Galicia celebráronse no IES "Fermín Bouza Brey" de Vilagarcía de Arousa (Pontevedra), os días o 20 e 21 de Abril de 2007.

Están homologadas pola Consellería de Educación e Ordenación Universitaria por un total de 15 horas.

A visita do venres pola mañá consistíu nun percorrido didáctico por Cambados: visita ao muíño de mareas de Corvillón, percorrido polo casco vello da vila nun tren turístico e visita técnica á adega "Martín Códax", con degustación dos seus caldos.

No apartado de obradoiros podedes consultar o listado dos obradoiros que se ofertaron.

As VII Xornadas presentaron dúas novidades. Unha foi a creación colectivamente, nun pc accesible a todos os asistentes, dun repositorio para o intercambio de material de aula en formato dixital (programas, presentacións, imaxes, vídeos,...). A outra foi a celebración dunha olimpíada tecnolóxica a xeito de xincana, na que se puxeron a proba as habilidades dos asistentes pasando un bo rato.

Como en anos anteriores, houbo un espacio para a exposición de proxectos e comunicacións.

Para calqueira dúbida ou suxestión non dubidedes en escribir a: xornadas@apetega.org