Vindeiras Convocatorias

I Xornadas de Software Libre no Ensino Ourense, 5, 6, 19 e 20 de outubro de 2007 A Asociación Cultural Ourensana de Software Libre (OUSLI) organiza en Ourense as primeiras xornadas que se programan no país en torno a aplicación dos programas abertos nas aulas.  A organización pretende "proporcionar un punto de encontro onde estudantes, docentes, investigadores e profesionais das TIC tomen contacto e coñezan experiencias educativas con Software Libre". Para logralo, OUSLI anuncia a presencia de relatores procedentes de varias autonomías. A cita será durante dúas fins de semanas de outubro (os días 5, 6, 19 e 20 dese mes) na capital das Burgas. O prazo de inscrición remata o día 1 de outubro, cun prezo de 40 euros para o público en xeral, aínda que hai descontos para estudantes. Fonte: canal Fwwwrando de vieiros.  Máis información en https://encontros.ousli.org/index.php ligazón permanente Enviado o 15-09-2007

Premios a Materiais Educativos Curriculares. CNICE. Convocatoria 2007. ORDEN ECI/572/2007, de 23 de febreiro, pola que se convocan premios a materiais educativos curriculares en soporte electrónico que podan ser utilizados e difundidos en Internet. Podes consultar a información no BOE, nº63 (14/03/07) ligazón permanente Enviado o 26-07-2007

VII Xornadas de informática aplicadas ao ensino Lugo, 14, 15 e 16 de setembro Xa están en marcha as xornadas de informática aplicada ao ensino, Infoensino, que se celebrarán os días 14, 15 e 16 de setembro no Pazo de congresos e exposicións de Lugo. Nestas Xornadas teremos a oportunidade de tomar ideas que están a desenvolver, compañeiros/as e outros/as profesionais co denominador común do uso da ferramenta informática. Poderemos coñecer o proxecto europeo en curso denominado "Intergeo", outro español, tamén en curso, denominado Mateslab. A fundación TIC de Lugo dará a coñecer o proxecto "Lugo en acción". O CESGA achegaranos ao software libre e ao e-learning. O director do CEFIRE de Elda mostraranos unha iniciativa de recursos educativos en CDROM. Dende o IES Jovellanos de Madrid mostraranos o que estase a realizar en Tecnoloxía a través dun taller de robótica con LEGO. Para máis információn visita: http://centros.edu.xunta.es/inforensino/ Inscrición en: http://www.edu.xunta.es/fprof/ ligazón permanente Enviado o 02-07-2007

Premios a recursos educativos para a sociedade da información DOG nº 121 do luns 25 de xuño No DOG nº 121 do luns 25 de xuño saíu publicada a nova convocatoria conxunta da Consellería de Educación e Ordenación Universitaria e da Consellería de Innovación e Industria dos recursos educativos para a sociedade da información 2007. As modalidades nas que se poderá participar son as seguintes: A-ferramentas de autor B-materiais curriculares web C-Galerías de imaxes e vídeos didácticos. D-Aplicacións de software libre Destinaranse 52.000 euros aos premios, cuns primeiros premios de 6000 euros nas modalidades A,B,D e de 3000 euros na modalidade C. Poderá participar, a nivel individual ou en grupo, o profesorado de centros non universitarios sostidos con fondos públicos. O prazo de participación comenza o día seguinte á súa publicación no DOG e rematará o 15 de setembro. Máis información aquí ligazón permanente Enviado o 02-07-2007

ASEMBLEA DE APETEGA Venres 15 de xuño, despois da Mostra de Proxectos Convócase a todos os socios e socias á vindeira asemblea de APETEGA que terá lugar o venres 15 de xuño no IES Rosalía de Castro de Santiago de Compostela, ás 20:00 horas en primeira convocatoria e ás 20:30 horas en segunda, coa seguinte ORDE DO DÍA: Lectura e aprobación, se procede, da acta anterior. Premios José Cantero. Análise das VII Xornadas de Tecnoloxía. Preparación das VIII Xornadas de Tecnoloxía. Proposta de novas actividades de APETEGA para o vindeiro curso. Análise do (borrador) Decreto da ESO. Elaboración da estatística de orzamentos e dotacións dos Departamentos de Tecnoloxía. Aspectos administrativos da Asociacion a mellorar para o vindeiro curso. Rogos e preguntas. Reparto de material didáctico en stock. Coma sempre, pola importancia dos temas a tratar, prégase a asistencia de todos os socios e socias que poidan acudir. ligazón permanente Enviado o 11-06-2007

Premio a Recursos Educativos para a Sociedade da Información Ferramentas educativas dixitais en galego O Diario Oficial de Galicia publicará proximamente a convocatoria do Premio a Recursos Educativos para a Sociedade da Información. Son en total 52.000 euros a repartir en catro categorías: ferramentas de autor,materiais curriculares web,aplicacións de software libre e galerías de imaxes e vídeos didácticos. Os premios están destinados aos mestres do ensino público non universitario, segundo informa o portal do PEGSI. O prazo de presentación de candidaturas, que non se abrirá ata a publicación no DOG, rematará o vindeiro 15 de setembro. ligazón permanente Enviado o 28-05-2007

[1] [2] [3] [4] [5] [Páxina6] [7] [8] [9] [10] [11] [12] [13] [14]