Novas

Participa nas xornadas     Como sabes, este  fin de semana celebranse as Xornadas de Tecnoloxía. Ditas Xornadas son de formación e participación, é son xá un referente para moitos profesores e profesoras desta área. Animamoste a participar, e a que llo comentes aos teus compañeiros e compañeiras de departamento que nunca asistiron, para que o fagan e as coñezan. ligazón permanente Enviado o 17-04-2007

VII Xornadas de Tecnoloxía de Galicia Quedan poucos días Queda menos dunha semana para o comezo das VII Xornadas de Tecnoloxía de Galicia. Recordámosvos que tendes información actualizada (programa, obradoiros ofertados, información complementaria e de interese,...) , na sección "Xornadas de Tecnoloxía" da nosa web. Tamén tedes a vosa disposición un formulario on-line que vos facilitará o proceso de inscrición. Se tes algunha pregunta no dubides en enviar un mail a xornadas@apetega.org. Vémonos en Vilagarcía!! ligazón permanente Enviado o 15-04-2007

Votacións no consello escolar do día 13 de abril Aprobouse a proposta da UXT No Consello Escolar anterior aprobáranse 6 horas obrigatorias para Tecnoloxía, e neste último houbo "rebaixas": Proposta da Administración (4 horas obrigatorias de Tecnoloxía) Votos a favor: 14 Votos en contra: 9 Abstencións: 11 Proposta da CIG: (6 horas obrigatorias de Tecnoloxía) Votos a favor: 4 Votos en contra: 17 Abstencións: 12 Proposta de UXT: (5 horas obrigatorias de Tecnoloxía) Votos a favor: 16 Votos en contra: 8 Abstencións: 9 O ditame global foi aprobado por 16 votos a favor, 3 en contra e 13 abstencións. (ler a información) Chama a atención o número de votos a favor da proposta da Administración, que contempla unha reducción do 43% do horario obrigatorio para a Tecnoloxía, e só 4 votos a favor de manter a tecnoloxía en 2 cursos con 6 horas, cando iso fora aprobado no consello escolar anterior. Cál será a decisión final da Consellería de Educación? ligazón permanente Enviado o 15-04-2007

O Consello Escolar aproba unha hora máis para tecnoloxía en 2º. Segue habendo perda horaria para a tecnoloxía respecto á situación actual Respecto á última proposta que presentou a Consellería o mércores, que propuña dúas horas para 2º de ESO e dúas horas para 3º, prodúcese a seguinte modificación no Consello Escolar de hoxe: 3 horas en 2º de ESO e 2 horas en 3º. En total perderiamos dúas horas respecto á situación actual, as correspondentes ao primeiro curso de ESO, o que supón un 28% menos de horario obrigatorio para tecnoloxía (o horario optativo queda igual que na actualidade) Recordámosvos que o Consello Escolar de Galicia é un órgano consultivo, e as súas propostas non son vinculantes. A Consellería pode facer o que queira. Máis información: CIG-Ensino ligazón permanente Enviado o 13-04-2007

Venres 13, ás 16:45, concentración diante da EGAP onde se reunirá o Consello Escolar de Galiza. Acude con cartaces! Despois do éxito de participación da folga e manifestación de onte, seguimos amosando a nosa desconformidade co proxecto da Consellería de reducir 3 horas o ensino obrigatorio da Tecnoloxía. Se podes, acude á concentración que vai ter lugar no EGAP ás 16:45 onde vai ter lugar a reunión do Consello Escolar de Galicia, onde se decidirá definitivamente cómo vai quedar o ensino de Tecnoloxía na ESO. Cómo chegar: Escola Galega de Administración Pública Polígono das Fontiñas, Rúa de Madrid, 2-4 15707 Santiago de Compostela, A Coruña ver rueiro Tedes fotografías da manifestación de onte nesta páxina ligazón permanente Enviado o 13-04-2007

[1] [2] [3] [4] [5] [6] [7] [8] [9] [10] [11] [Páxina12] [13] [14] [15] [16] [17] [18] [19] [20]