Novas

Ante a proposta insuficiente da Consellaría, folga 12 de abril A consellería non rectifica e segue a marxinar a Tecnoloxía. A proposta que acaba de presentar a Consellería de Educación aos sindicatos segue propoñendo un total de 4 horas obrigatorias para tecnoloxía: dúas horas en 2º de ESO e 2 horas en 3º de ESO (a proposta inicial da Consellería era de 4 horas en 3º de ESO), o que supón unha reducción do 43% respecto ao horario obrigatorio actual. É unha vergoña que en pleno século XXI se propoña unha reducción tan drástica para o ensino da tecnoloxía. No caso de aprobarse este cadro horario, Galicia sería a Comunidade Autónoma do Estado que menor carga lectiva dedica á cultura tecnolóxica, en consonancia cos informes sobre I+D+i, percepción social sobre temas científicos e tecnolóxicos, etc. Debemos, unha vez máis, amosar a nosa desconformidade con esta proposta, secundando a folga convocada para mañá día 12 de abril e acudindo masivamente á manifestación en Compostela que sairá ás 11:30 da praza de Cervantes, e intentar que a Consellería de Educación rectifique a súa proposta ou, polo menos, que sexa consiente do noso rexeitamento á barbaridade que está a facer co ensino obrigatorio. Por unha educación tecnolóxica de calidade para tod@s! A Tecnoloxía é cultura! ligazón permanente Enviado o 11-04-2007

FOLGA O 12 Entérate ben:  O día 12 temos a derradeira ocasión para amosar a nosa disconformidade coa proposta de horarios da Consellería de Educación, e intentar que viren a súa postura. Vémonos ás 11:30 na praza de Cervantes en Compostela. Levade todo aquelo que serva para chamar a atención e armar moito barullo. ligazón permanente Enviado o 10-04-2007

VII Xornadas de Tecnoloxía de Galicia Vilagarcía de Arousa, 20 e 21 de abril Só faltan 15 días para as VII Xornadas de Tecnoloxía de Galicia, ¿vas perdelas? Recordámosvos que tendes información actualizada (programa, obradoiros ofertados, información complementaria e de interese,...) , na sección "Xornadas de Tecnoloxía" da web da asociación. Tamén tedes a vosa disposición un formulario on-line que vos facilitará o proceso de inscrición. E se te animas a impartir un obradoiro, participar na exposición de proxectos,... ou tes algunha pregunta no dubides en enviar un mail a xornadas@apetega.org. Vémonos en Vilagarcía!! ligazón permanente Enviado o 05-04-2007

FOLGA o día 12 de abril. Manifestación en Compostela. Convocada para as especialidades de Tecnoloxía, Música e Plástica. A Consellaría de Educación, ante as mobilizacións levadas a cabo polo profesorado de Tecnoloxía, Música e Plástica, vai reconsiderar a súa proposta de carga lectiva na ESO, e dará unha resposta definitiva o día 13 de abril. Por iso agora, máis ca nunca, debemos responder de forma masiva á folga do vindeiro 12 de abril. Lembrade que nesa data temos convocada unha manifestación en Compostela que sairá ás 11:30 da praza de Cervantes. Pregamos que lle chegue esta información a tódalas compañeiras e compañeiros do departamento de Tecnoloxía. Queremos recordar que moitas profesoras e profesores levan dedicado gran parte do seu tempo a defender o ensino tecnolóxico, e son xente coma ti. Non esquezas que dignificar o noso traballo tamén é cousa túa. ligazón permanente Enviado o 31-03-2007

Ditame do Consello Escolar de Galiza sobre as cargas horarias na ESO A consellaría vai reconsiderar a súa postura ...? A Consellaría, ante as mobilizacións levadas a cabo polo profesorado afectado, vai reconsiderar a súa proposta de cargas lectivas na ESO e manifestou que traerá ao Pleno do Consello Escolar do vindeiro 13 de abril unha nova proposta que incidirá no horario das materias de tecnoloxía, plástica e música. Para iso terá en conta a proposta da Permanente do Consello Escolar que traslada que se incrementen as cargas horarias a 6 horas en tecnoloxía, 4 en plástica e 4 en música. Ler a nota de prensa da CIG ligazón permanente Enviado o 29-03-2007

[1] [2] [3] [4] [5] [6] [7] [8] [9] [10] [11] [12] [Páxina13] [14] [15] [16] [17] [18] [19] [20]