Novas

Proposta conxunta APETEGA-ASOMUSICA é posíbel unha distribución horaria máis coherente As asociacións do profesorado de tecnoloxía, APETEGA, e de música, ASOMUSICA, estivemos traballando na elaboración dunha proposta de horario co fin de que a teñan presente na mesa sectorial do vindeiro luns 5 de marzo, na que se tratará o tema, convencidos de que hai máis posibilidades que a da Consellería de Educación dun reparto horario máis equitativo da asignación horaria que non implique reduccións tan drásticas para Tecnoloxía, Música e Ed. Plástica, coma as do borrador que veñen de presentar. - Ver proposta Comunicados: - Comunicado de APETEGA - Carta aos sindicatos ligazón permanente Enviado o 05-03-2007

A Consellería de Educación propón unha reducción brutal para a Tecnoloxía na Educación Secundaria Obrigatoria Publicado o borrador do cadro horario da ESO Podedes ver aquí o cadro horario proposto pola Consellería de Educación da Xunta de Galicia: Borrador da consellería (cadro horario ao final do documento) Cadro horario comparado A materia de Tecnoloxía resulta a máis perxudicada de todas as materias da ESO, cunha reducción horaria do 43%. Esta decisión vai en sentido contrario das recomendacións internacionais en materia educativa e das necesidades educativas da sociedade actual. A formación científico-tecnolóxica (matemáticas, ciencias e tecnoloxía) que o alumnado recibirá de xeito obrigatorio non chega ao 25% do horario total nos 4 cursos da ESO. ligazón permanente Enviado o 02-03-2007

Percepción pública sobre a Ciencia e a Tecnoloxía Galicia na cola A Fundación Española para a Ciencia e a Tecnoloxía fixo unha enquisa para coñecer a percepción pública sobre a Ciencia e a Tecnoloxía. Os resultados deixan moito que desexar, e resulta especialmente preocupante a situación na que queda Galicia. Fixádevos nas asombrosas diferencias que atopamos en diversos puntos do Estado.  O Ministerio de Educación, coa drástica reducción da ensinanza da tecnoloxía que aprobou na LOE, non fai nada por solucionar este problema, máis ben todo o contrario, pero en Galicia parece que desexamos seguir á cola do estado. Segundo os borradores publicados, mentres que na maioría de Comunidades Autónomas o estudo da Tecnoloxía será obrigatorio para todo o alumnado en dous ou tres cursos, cun mínimo de 6 horas, en Galicia a nosa Consellería de Educación pretende deixar estas ensinanzas no mínimo que marca a normativa: 4 horas nun só curso. Parece que nos alegramos de estar na cola. ligazón permanente Enviado o 18-02-2007

Preparando as vindeiras xornadas Solicitude de colaboración Estamos a traballar na organización das VII Xornadas de Tecnoloxía de Galicia que, como todos sabes terán lugar o vindeiro mes de abril (20 e 21) nos IES Fermín Bouza Brey, en Vilagarcía de Arousa. Como nas anteriores edicións a maior parte do programa estará adicado a obradoiros e é aquí onde solicitamos a vosa colaboración: ben sexa para levar a cabo algún deles; para recomendarnos a algún coñecido que o pode facer; ou simplemente para darnos ideas de obradoiros que pensades poderían ser interesantes. Se queres colaborar, escríbenos a xornadas@apetega.org En breve estara á vosa disposición na web de apetega o programa e demais información de interese. ligazón permanente Enviado o 07-02-2007

Axudas para actividades de formación para o ano 2007 Orde do 19 de decembro de 2006 pola que se regula o procedemento para o reintegro individual de gastos por asistencia a actividades de formación do profesorado non universitario. Reintegros individuais para actividades formativas levadas a cabo polo profesorado non universitario durante o ano 2007. Para maior información chamar ao Servizo de Formación do Profesorado: 981-546506 ligazón permanente Enviado o 07-02-2007

[1] [2] [3] [4] [5] [6] [7] [8] [9] [10] [11] [12] [13] [14] [15] [Páxina16] [17] [18] [19] [20]