Novas

Museo Nacional de Ciencia e Tecnoloxía A sede estará na Coruña A sede do Museo Nacional da Ciencia e Tecnoloxía estará no edificio Prisma de Cristal, situado en San Roque, na bahía coruñesa. Unha boa nova para a difusión da Ciencia e da Tecnoloxía na nosa comunidade. Ler máis ligazón permanente Enviado o 21-10-2006

VII Xornadas de Tecnoloxía de Galiza Vilagarcía de Arousa, 20 e 21 de abril de 2006 Información sobre as vindeiras xornadas: Centro de celebración: IES Fermín Bouza Brey . Vilagarcía de Arousa (Pontevedra) Datas: 20 e 21 de abril de 2007 Manterase a visita didáctica, que se celebrará o venres 20 de abril pola mañá. A asemblea ordinaria que se celebraba sempre ao remate das xornadas adiantarase ao sábado ao mediodía. ligazón permanente Enviado o 20-10-2006

Galicia carece de enxeñeiros para máis de 600 empresas tecnolóxicas Déficit do mercado laboral Segundo La Voz de Galicia, en Galicia hai sen cubrir 1.137 postos para enxeñeiros e técnicos de telecomunicacións, unha cifra notable que retrae ás empresas á hora de instalarse na comunidade. Lonxe de estimular no alumnado de Educación Secundaria o interese polos estudios técnicos, os de maior saída laboral, a reforma da LOE supón un paso atrás nesta orientación, dado o tratamento que se lle da á ensinanza da tecnoloxía. Estamos á espera da publicación dos decretos que regulan a ESO e o Bacharelato. Un recorte do ensino da tecnoloxía nestes niveis suporía un grave retroceso para o noso país. ligazón permanente Enviado o 20-10-2006

Asemblea de APETEGA Venres, 6 de outubro de 2006 Comunícase a tódolos socios e socias que o vindeiro venres día 6 de outubro de 2006, ás 20:00 horas na biblioteca do IES "Monte de Conxo" de Santiago de Compostela, celebrarase unha asemblea ordinaria de APETEGA coa seguinte orde do día: Lectura e aprobación, se procede, da acta da asemblea anterior. Presentación dos novos membros da directiva. Estado actual de tramitación da LOE. ELABORACIÓN DO NOVO CURRÍCULO DE TECNOLOXÍA. Xornadas de Xinzo. Concesión da homologación e subvención por parte da Consellería. Entrega de diplomas. Organización das vindeiras VII Xornadas de Tecnoloxía. Convocatoria de APETEGA entre os escolares galegos para a realización do cartaz das vindeiras xornadas. Sorteo dos libros-resumo do Congreso Internacional sobre educación, enerxía e desenvolvemento sostible que regalou o ICE a APETEGA. Información sobre o "Taller Internacional Educación energética para un futuro sostenible". Actualización da base de datos de socios. Rogos e preguntas. Dada a importancia dos temas a tratar, en especial o referido á elaboración do novo currículo da área de Tecnoloxía, animamos á asistencia de tódolos socios e socias que poidan acudir. ligazón permanente Enviado o 29-09-2006

Mergúllate na Ciencia 22 de setembro de 2006 O próximo 22 de setembro as localidades galegas de Vigo, A Coruña e Celeiro acollerán a Noite dos Investigadores. Trátase dunha iniciativa europea que pretende achegar a figura do investigador á sociedade en xeral. En Galiza o proxecto desenvólvese baixo o título xenérico de Mergúllate na ciencia, en referencia ao tema que serve de fío condutor ás actividades: a investigación mariña. Falta a tecnoloxía no título, pero non nas actividades: Aprender a manexar un robot submarino, tecnoloxías de envasado en atmosferas modificadas (EAM), instrumentos de navegación, vehículos de hidróxeno, etc. Ver ligazón ligazón permanente Enviado o 20-09-2006

[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [Páxina19] [20]