Novas

OFERTA PÚBLICA DE EMPREGO 2008 Convocaronse 54 prazas para Tecnoloxía. Está toda a información na páxina da Consellería. ligazón permanente Enviado o 21-02-2008

Premio nunha convocatoria de recursos educativos innovadores. Na modalidade de materiais curriculares web o 1º premio foi para o traballo : A auga, aplicacións enerxéticas na Galicia preindustrial, realizado por un grupo de profesores do IES A Sangriña da Guarda, coordinados por Antonio Lomba Baz profesor de Tecnoloxía. O resultado final é unha páxina web multimedia e interactiva, que emprega as últimas tecnoloxías para a elaboración deste tipo de materiais, na que se aborda a auga e a enerxía hidráulica dende a perspectiva das distintas especialidades dos autores. A páxina pode visualizarse aquí   ligazón permanente Enviado o 19-02-2008

VIII XORNADAS DE TECNOLOXÍA DE GALICIA 18 e 19 de abril no IES Gregorio Fernández de Sarria (Lugo) Coa resolución do II Concurso de carteis de APETEGA, botaron a andar as VIII Xornadas de Tecnoloxía. Ao igual que nas anteriores edicións a maior parte do programa estará adicado a obradoiros, velaquí que solicitemos a vosa colaboración: ben sexa para levar a cabo algún deles; para recomendarnos a algún coñecido que o poida realizar; ou simplemente para darnos ideas de obradoiros que pensades poderían ser interesantes. En breve estara á vosa disposición na web de apetega o programa e demais información de interese. Esperamos as vosas suxestión e ofrecementos en xornadas@apetega.org ligazón permanente Enviado o 07-02-2008

Asemblea de APETEGA   Convócase a todos os socios e socias á unha asemblea extraordinaria de APETEGA que terá lugar o vindeiro venres 8 de febreiro do 2008 na biblioteca do IES "Monte do Conxo" de Santiago de Compostela, ás 20:00 horas en primeira convocatoria e ás 20:30 horas en segunda, coa seguinte ORDER DO DÍA: 1.   Toma de posesión da nova directiva. 2.   Proposta de cambios nos estatutos. 3.   Petición de dotación das aulas de Tecnoloxía. 4.   Rogos e preguntas.     Atentamente: A Xunta Directiva de APETEGA ligazón permanente Enviado o 02-02-2008

Resolución do II concurso de carteis de APETEGA Xa hai cartel gañador!! Comezou a conta atrás para ás VIII Xornadas de Tecnoloxía de Galicia pois xa temos cartel oficial!! O xurado do concurso para a elección do cartel anunciador deste ano estivo composto polos seguintes profesores: Arias Cerdeiriña, Pilar Saínza Atanes Limia, Xosé Manuel García Sanz, Luís Nieto González, Ángeles Ramos Ferreiro, Agustina e decidíu premiar o traballo realizado por CRISTINA IGLESIAS, alumna de 4º de ESO do IES "Fermín Bouza Brei" de Vilagarcía de Arousa: Dende APETEGA queremos dar os nosos parabéns á alumna gañadora e as grazas a todos os participantes pola calidade das obras recibidas, as cales se poden visualizar na ligazón seguinte: GALERÍA DE IMAXES DE TRABALLOS PRESENTADOS Cómpre dicir que na galería aparecen todos os traballos presentados, pero non todos foron valorados por non respectar as bases da convocatoria. ligazón permanente Enviado o 01-02-2008

[1] [2] [3] [4] [Páxina5] [6] [7] [8] [9] [10] [11] [12] [13] [14] [15] [16] [17] [18] [19] [20]