Novas

Resumo da última asemblea de APETEGA Celebrada no IES Rosalía de Castro o 15 de xuño Aínda que xa foi enviado un correo electrónico aos socios e socias, dada a importancia dos temas tratados na última asemblea, pódese consultar un documento-resumo da mesma pinchando aquí. ligazón permanente Enviado o 10-07-2007

Programas de Diversificación Curricular Novo borrador da Consellería A Consellería de Educación acaba de publicar un novo borrador polo que se regulan os programas de diversificación curricular na educación secundaria obrigatoria. (29/06/2007) Respecto ó primeiro borrador publicado hai os seguintes cambios: O ámbito científico-técnico incluirá elementos formativos seleccionados entre os obxectivos e contidos curriculares correspondentes ao terceiro e ao cuarto curso da etapa das materias de Matemáticas e Ciencias naturais. O primeiro borrador publicado incluía a materia de Tecnoloxías. A materia de Tecnoloxías estudiarase en 3º e 4º de ESO cunha carga lectiva de 3 horas en cada curso e fóra do grupo de referencia. O primeiro borrador establecía unha carga lectiva de 2 horas semanais para cada curso. Máis información no apartado de lexislación. ligazón permanente Enviado o 30-06-2007

Imaxes da III Mostra de Proxectos de Tecnoloxía Iremos subindo as que nos enviedes Xa podes visualizar algunhas fotografías da III Mostra de Proxectos de Tecnoloxía de APETEGA organizada o pasado día 15 de xuño na Praza do Toural, en Compostela. Se tes máis fotos e vídeos, envíanolas para publicalas na mesma sección. ligazón permanente Enviado o 19-06-2007

INFORMACIÓN SOBRE A IMPLANTACIÓN DA LOE Circular enviada pola Consellería A Consellería de Educación e Ordenación Universitaria, a través da Dirección Xeral de Ordenación e Innovación Educativa, vén de facer público o seguinte documento no que establece o calendario de implantación da LOE e aclara algunhas dúbidas sobre o borrador do Decreto de ensinanzas mínimas para a ESO. ligazón permanente Enviado o 13-06-2007

ASEMBLEA DE APETEGA Venres 15 de xuño, despois da Mostra de Proxectos Convócase a todos os socios e socias á vindeira asemblea de APETEGA que terá lugar o venres 15 de xuño no IES Rosalía de Castro de Santiago de Compostela, ás 20:00 horas en primeira convocatoria e ás 20:30 horas en segunda, coa seguinte ORDE DO DÍA: Lectura e aprobación, se procede, da acta anterior. Premios José Cantero. Análise das VII Xornadas de Tecnoloxía. Preparación das VIII Xornadas de Tecnoloxía. Proposta de novas actividades de APETEGA para o vindeiro curso. Análise do (borrador) Decreto da ESO. Elaboración da estatística de orzamentos e dotacións dos Departamentos de Tecnoloxía. Aspectos administrativos da Asociacion a mellorar para o vindeiro curso. Rogos e preguntas. Reparto de material didáctico en stock. Coma sempre, pola importancia dos temas a tratar, prégase a asistencia de todos os socios e socias que poidan acudir. ligazón permanente Enviado o 11-06-2007

[1] [2] [3] [4] [5] [6] [7] [8] [Páxina9] [10] [11] [12] [13] [14] [15] [16] [17] [18] [19] [20]